熊本熊冲出日本动画片做主角

fish88

日本玩吉祥物真系有一手,由动漫、神社、明星偶像个个界别都有自己一只吉祥物。战况最激烈同玩得最出神入化,一定要数代表日本各地慨吉祥物。外表可唔可爱就见人见智,不过渠地啲人物设定真系无得顶,随便数几只你都识。好似代表北海道夕张市慨蜜瓜熊,该市盛产蜜瓜加上「熊出没注意」标语,结合成凶猛外表同成日吓亲小朋友慨巨熊,成功出位靠有铺咬人瘾,特别钟意咬比渠受欢迎慨同行!

仲有千叶县船桥市慨船梨精,同其他吉祥物唔同,渠劲活泼、劲多激烈动作,仲用把劲高音狂讲嘢,台前叫人前辈台后(仲要系红白歌唱大赛)打大交,最奇怪仲有个「船桥市非官方吉祥物」设定!

严格嚟讲呢堆吉祥物系艺人明星,依家最红就一定系熊本市慨熊本熊。渠系熊本市公务员,职衔系营业部长,工作范围好大,首要推广熊本县观光业,出席无数活动争取曝光,又要踩单车、浸温泉、示范制作传统食品仲要减肥!仲未计同无数牌子crossover,推出多种流行精品,单系审批自己个肖像都有排做!

佢仲有客串电影,2016年时同其他熊本县出身慨演员,包括桥本爱、高良健吾等演出咗《うつくしいひと》(中译《美丽的人》),故事讲述神秘男子遇上漂亮女大学生, 2人在美景如画慨熊本市感情升温慨故事。呢个一睇就知对熊本观光业有帮助,作为营业部长慨熊本熊一定要出镜啦!

最近渠事业更上一层楼,进军大银幕拍电影!动画公司Tonko将会以熊本熊为主角,度身打造动画片《Mystery of Kumamon》 。熊本熊第一次担正做主角就冲出国际,因为美国动画公司Tonko都好有来头,前作《The Dam Keeper》曾获提名奥斯卡最佳短片,该动画短片由前Pixel美术导演Robert Kondo及Dice Tsutsumi共同制作。

熊本熊去左美国,会唔会冇左搞笑又可爱慨本性?应该唔会啩。话哂美日合作,监制仲系熊本熊创作人小山薰堂,佢仲系奥斯卡最佳外语片《礼仪师之奏呜曲》编剧,其他合作单位仲系出产好多谐星慨吉本兴业!相信电影版慨熊本熊会保持到渠一贯少少贱少少咸湿多多趣同窝心慨设定。

发表评论

电子邮件地址不会被公开。 必填项已用*标注